Gjuha shqipe është një pasuri e gjallë, e pasur me dialekte, nuanca dhe shprehje që i japin identitet çdo treve. Platforma “Shqipopedia” – një enciklopedi digjitale e gjuhës shqipe – synon të ruajë dhe të promovojë këtë pasuri, duke dokumentuar fjalë dhe shprehje nga dialekte të ndryshme, krahas formave të tyre më të zakonshme. E kemi quajtur "Fjalori i shqipes së bukur" sepse besojmë se çdo dialekt pasqyron shpirtin dhe historinë e folësve të tij, duke e bërë çdo formë të shqipes të veçantë dhe të çmuar.